Sintomak eta biologia

Akaro txikiak dira tamainaz, begi hutsez ikusi ezin direnak, baina apur bat handiagotzen duen lupaz ikus daitezke. Forma luzea eta eraztundun gorputza dituzte; 4 hanka besterik ez dituzte eta bere itxura ez da inola ere beste akaroena bezalakoa. Kolorea espeziearen araberakoa izaten da, zurixka, horixka edo laranja-kolorekoa.

Bere ziklo biologikoan faseak hauek dira: arrautza, bi ninfa-aldi eta heldua; heldua ninfaren oso antzekoa da. Zikloak iraupen laburrekoak direnez gero, urtean belaunaldi ugari izaten da.

Eriofidoak ostalari bakoitzarentzat berariazkoak dira; hosto iraunkorreko zuhaitz-espezieak hobesten dituzte eta batez ere hostoei eraso egiten diete. Erasoen eraginez hostoek kolorea galdu egiten dute eta deformatu egiten dira; zurari eta fruituei gutxiago erasotzen die.

Sagarrondoan hedatuena dagoen espeziea Aculus schlechtendali da, hori-marroia kolorez; emea hostoen azpialdean hauek ernetzen diren unean azaltzen da. Hostoen gainaldean dekolorazioak, pikardatuak, sortzen ditu, eta leun mantentzen dira kurbatu gabe; azpialdeko ileak horitu eta feltroa eratzen da.

Fruituan, zenbait baldintza betez gero, gorritzeak (russeting-ak) sor ditzake.

Borroka

Kalteak txikiak direnez gero, ez dago tratamendua egin beharrik, oso eraso handiak ez baldin badaude, behintzat.